sufiforum.com http://www.sufiforum.com/ |
|
Yesevi Hikmetlerinde Zahir/Batın dengesi http://www.sufiforum.com/viewtopic.php?f=105&t=5301 |
1. sayfa (Toplam 1 sayfa) |
Yazar: | yesevihan [ 20.01.11, 10:14 ] |
Mesaj Başlığı: | Yesevi Hikmetlerinde Zahir/Batın dengesi |
Yesevi Hikmetlerinde Zahir/Batın dengesi 95 Evvel Hu Âhir Hu deb bihud bolgıl Hakk cemâlin körsetmese damen bolay Zâhir Hu Bâtın Hu deb yolğa kirgil Hakk cemâlin körsetmese damen bolay 195 Şeyhmen teyu marifetni kıldı beyan, Zâhir-Bâtın, Evvel-Âhir kılsa âyân. Şunkar yanglığ ruhı anıng kılsa teyran, Mundağ bolub mürîd yolğa salmas musan? 24 Ata kılgan aziz cannı bilmedim men Zâhir-Bâtın hazırsen dep turmadım men Kara yüzüm dergâhingge sürmedim men Ya Rabbena her ne kılsang keldim mena 79 Zâhir buzub bâtın tüze âlim bolsang Ruz-ı mahşer kolung tutgay tangla barsang Va veyleta nedamet dep yolda kalsang Can u dilde Hayy zikrini aytıng dostlar 47 Ehl-i eyâl kurşab turgay yığlap seni Yuvğuçılar tahta üzre alğay seni Suvnı koyub pâk eylegey zâhirimni Bâtınımnı yuvğanını bilelmesmen 100 Aslı fakîr bolsalar vücud şehrin kezseler Zâhir-bâtın tüzseler seadetliğ dervişler 157 "Eyâ bendem, bu sözlerni barı yalğan, Köngül sırrın mendin tutub bolmas pinhan, Zâhir-bâtın her işingdür menge isyan” Yığlab yürgil, köz yaşını riyası yok. 59 Aşıkları halk içinde küyüb yığlar Zâhir hande bâtınları yürek dağlar Ecel kıstab ölmek üçün belin bağlar Ma'şukığa arz-ı hâlin ayttı bolğay 134 Andağ erler suhbetini tabgan kişi Mest ü hayran bolub yürer yaz u kışı Seherlerde çarzarb urmak anı işi Zâhir hande bâtınların pinhan kılur 119 Sufi bolub malıkes almak üçün kıldıng cedel Zâhiring sufinemâdur bâtınıng dûn ü dağal Ey bi-haber, ey bi-haber şermendesen ruz-ı ezel : Sufi nakş boldung veli hergiz müsülman bolmadıng 126 Aşıklarday daim müdam Haknı izler Zâhir yüzüb bâtınıda arşnı közler Taliblerge ayet-hadis sözin sözler Sır sözini nâdânlarga aytsa bolmas 162 Eyâ âşık, keçe-kündüz Haknı izle, Zâhir yürüb, bâtınıngda arşnı közle. Hikmet okub ayet-hadis sözin sözle, Hazan yanglığ kızıl yüzi solmas bolur. 133 Işk derdige deva sorgan hazır tilbe Zâhirde yok bâtın içre kılur cilve Mazı sarıng barıng içre kılur ğalbe Işk derdige deva kılsa Rahman kılur 133 Kimni körseng bu yollarda yalğan âşık Zâhir sûfi bâtın içre ermez sâdık Anıng üçün ma'şûkığa bolmas lâyık Yalğançını rûz-ı mahşer sersân kılur 137 Taşdın kattığ taşnı süzgen bi-haberler Ukbâ işin arka taşlap dünyâ izler Ayet hadis beyân kılsâm kattığ sözler Zâhir âdem bâtınları şeytân bolur 138 Zâhirini atı birle bezegenler Bâtınların otu birle tüzegenler Şevk otını iç köngülge kezegenler Mâsivâ birle kaçan meşğul bolur 173 Çın talibğe pirdin teger künde sançık, Zâhir sançık bâtın içre baldın tatlık. Cezbi halet inâm kılğay ışkı kattığ, Eşitib, ukub, hizmet kılıng, dostlarım a. 211 Ul beş huruf meydanıda cevlan kılur, Zâhir-bâtın bi-tevakkuf nalan kılur. Yetti aza közlerini ketan kılur, Mürşid bolub, iradetge kirmek kerek. 201 Halk içinde tesbih kolga alıb yürgen, Şeyhmen teyu nâdânlarğa va’zın ayğan. Nezrin alıb kelgey mu deb karab turğan, Pîr ul turur zâhir, bâtın sefa kılsun. 87 Zâhir ni'met şükrini gâfil bilmez Bâtındagın kıyas birle körse bolmas Zâhir közi gaflet birle bakıb körmez Bâtın közi açılsa ul körer dostlar 103 Pinhân yürür kimni körse âşık kılur Lutf eylese kezzâblarnı sâdık kılur Hakdın korkkan dergâhığa lâyık kılur Zâhir amâ bâtın içre közi bolğay 131 Kamuğ â'zâ suvretidin til keçmeğünçe "Mûtû kable en temûtu" bolmağunça Zâhiride baş közini yummağunça Bâtında iç közi körgenmez ul 160 Hızr u İlyas hazır ul, gavsu gıyas nâzir ul, Bâtın közi zâhir ul, bu halkanıng içinde. Taliblerni mürşidi, Kul Hoca Ahmed deb aydı, Baş oynağıl sen dedi, bu halkanıng içinde. 212 Ul suhbetde erenler Halka (içre) olturur, Kimge nazar kılsalar, kulfı dili açılur, Her çend alar ölükdür, zâhir közge körinmes, Gayibdurlar va lekin bâtın közge körünür. |
1. sayfa (Toplam 1 sayfa) | Tüm zamanlar UTC + 2 saat |
Powered by phpBB © 2000, 2002, 2005, 2007 phpBB Group http://www.phpbb.com/ |